Дэлегаты пакінулі пасяджэнне МВФ, калі выступаў расійскі чыноўнік
2- 18.10.2026, 11:40
- 1,420
Расія сутыкнулася з новым байкотам на міжнароднай пляцоўцы.
На штогадовай сустрэчы Міжнароднага валютнага фонду і Сусветнага банка ў Бангкоку прадстаўнікі некалькіх еўрапейскіх краін пакінулі пасяджэнне кіраўнічага камітэта МВФ, калі слова ўзяў міністр фінансаў Расіі Антон Сілуанаў, паведамляе Reuters са спасылкай на крыніцы (пераклад — сайт Charter97.org).
З залы выйшлі амаль дзесяць прадстаўнікоў розных дзяржаў. Сярод іх былі дэлегацыі Даніі, Швецыі, Фінляндыі, Нарвегіі, Літвы, Латвіі і Эстоніі.
З 2022 года, пасля поўнамаштабнага ўварвання Расіі ва Украіну, Міжнароднаму валютна-фінансаваму камітэту не ўдаецца ўзгадніць сумесныя заявы. Разнагоддзі вакол расійскай агрэсіі перашкаджаюць удзельнікам сустрэч выпрацаваць агульную пазіцыю.
Еўрапейскія дыпламаты падкрэсліваюць, што вяртанне Масквы да звыклага фармату міжнароднага супрацоўніцтва недапушчальнае. На іх думку, «нельга нармалізоўваць адносіны з Расіяй».
У Германіі таксама папярэдзілі супраць спроб вярнуць Крэмль на міжнародную арэну. Прычынай стаў удзел міністра фінансаў Расіі Антона Сілуанава у сустрэчах G20. Вашынгтон, наадварот, выступіў за прысутнасць расійскіх прадстаўнікоў, заявіўшы пра неабходнасць «адкрытага дыялогу».
На гэтым фоне еўрапейскія лідары абмяркоўваюць далейшую падтрымку Украіны. На саміце ЕС Уладзімір Зяленскі раскрытыкаваў энергетычную здзелку прэзідэнта ЗША Дональда Трампа з Расіяй, назваўшы яе «дызельнай», і вітаў узмацненне ролі Еўропы ў мірных перамовах.
Краіны Еўразвязу пацвердзілі падтрымку Кіева на фоне масіраваных расійскіх абстрэлаў. Пры гэтым у Еўропе баяцца, што ЗША могуць скараціць абмен разведвальнымі данымі і ваенную дапамогу Украіне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
