У Літве абвясцілі найвышэйшы ўзровень паветранай трывогі з-за беспілотніка

Зачынены аэрапорт Каўнаса.

У двух акругах на поўначы Літвы раніцай 18 кастрычніка была абвешчана паветраная трывога чырвонага ўзроўню, паведамляе Delfi.

Трывога чырвонага ўзроўню была абвешчана ў Панявежскім і Шаўляйскім акругах Літвы.

Як адзначаецца, іх жыхарам неабходна было неадкладна накіравацца ў бліжэйшыя падземныя або абсталяваныя сховішчы і сачыць за афіцыйнымі апавяшчэннямі.

«Паводле апошняй інфармацыі, паветраная пагроза ідэнтыфікаваная і, хутчэй за ўсё, гаворка ідзе пра беспілотнік. Пакуль у нас няма інфармацыі пра тое, як дзейнічаюць нашы сілы і ці ёсць магчымасць яго нейтралізаваць, але ў бліжэйшы час мы яе атрымаем», — заявіў у эфіры радыё LRT кіраўнік Нацыянальнага цэнтра кіравання крызісамі Вілмантас Віткаускас.

Паводле яго слоў, аб’ект заўважылі крыху паўднёвей Панявежыса.

З-за інцыдэнту былі забаронены палёты ў аэрапорт Каўнаса і з яго.

Згаданыя раёны знаходзяцца на поўначы Літвы і мяжуюць з Латвіяй.

Да 8:00 чырвоны ўзровень небяспекі захоўваўся толькі ў Панявежскім акрузе, а аб’ект рухаўся ў бок Латвіі. Там абвясцілі трывогу ў трох самакіраваннях. Калі беспілотнік пакінуў Літву, там адмянілі найвышэйшы ўзровень паветранай трывогі.

Пазней Нацыянальныя ўзброеныя сілы Латвіі паведамілі, што магчымая паветраная пагроза скончылася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]