У Беларусі забаранілі БАДы расійскай вытворчасці

У Міністэрстве аховы здароўя заклікалі праверыць аптэчкі.

Міністэрства аховы здароўя Беларусі абвясціла пра поўную забарону на ўвоз і продаж на тэрыторыі краіны БАДаў (біялагічна актыўных дабавак) расійскага вытворцы ТАА «Нутрымікс». У ведамстве назвалі іх «небяспечнай харчовай прадукцыяй».

У Дзяржаўнай санітарна-эпідэміялагічнай службе Мінздароўя патлумачылі, што маркіроўка і этыкеткі расійскіх БАДаў уводзяць у зман пакупнікоў у Беларусі, бо там пазначана, што ўсе сумесі — гэта «камплексныя харчовыя дабавкі». Гэта, паводле ацэнкі экспертаў, не адпавядае рэчаіснасці.

Там нагадалі, што функцыя БАДаў не тэхналагічная (менавіта ў вытворчасці выкарыстоўваюцца харчовыя дабаўкі), а фізіялагічная і накіраваная на ўзбагачэнне рацыёну людзей.

У Мінздароўі не выключылі, што расійскія дабаўкі да ежы могуць вярнуцца на рынак, але для гэтага вытворца мусіць выканаць шэраг умоў:

скарэктаваць назву;

забяспечыць стабільнасць працэсаў вытворчасці, захоўвання і транспартавання прадукцыі;

забяспечыць дзейсную сістэму кантролю якасці, уключаючы лабараторныя даследаванні прадукцыі, а таксама ацэнку рызык і фактараў, што сталі падставай для ўвядзення абмежаванняў.

Таксама ў Мінздароўі нагадалі самім беларусам, што ўжыванне БАДаў, выдадзеных за харчовую прадукцыю, можа быць небяспечным для здароўя.

«БАДы маюць накіраванае біялагічнае дзеянне, іх бескантрольны прыём можа прывесці да сур'ёзных наступстваў для здароўя», — растлумачылі ў ведамстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]