Навукоўцы выявілі найстаражытнейшыя з наскальных малюнкаў

Ім 67,8 тысячы гадоў.

Здаецца, Homo sapiens захапіліся пячорным жывапісам значна раней, чым было прынята лічыць. Група навукоўцаў з Аўстраліі і Інданезіі апісала наскальныя малюнкі, выяўленыя імі на востраве Сулавесі (Інданезія). Паводле іхніх дадзеных, знаходка старэйшая за ўсе вядомыя навуцы ўзоры старажытнага мастацтва, піша НОЖ

Першабытны жывапіс знайшлі падчас даследавання вапняковых пячор. Пад пластамі мінеральных адкладаў даследчыкі заўважылі цьмяныя чырвоныя адбіткі чалавечых рук. Каманда паспяшалася правесці аналіз узораў урану ў мінеральных пластах і была ўражаная. Падрабязныя вынікі іхняга даследавання апублікаваныя ў часопісе Nature.

«У некаторых выпадках, калі малюнкі нанесены паверх мінеральных пластаў, па іх можна вызначыць найстарэйшы з магчымых узростаў выяў», — растлумачылі аўтары даследавання.

Як высветлілася, узрост аднаго з малюнкаў — не меншы за 67,8 тыс. гадоў. Іншымі словамі, гэтыя малюнкі на 30 тыс. гадоў старэйшыя за найстаражытнейшы наскальны жывапіс, выяўлены ў пячорах Францыі.

Даследчыкі мяркуюць, што падобныя выявы чалавечых рук маглі сімвалізаваць асаблівыя адносіны паміж людзьмі і жывёламі ў старажытным грамадстве. Верагодна, у «мастакоў» ужо былі ўстойлівыя ўяўленні пра прыроду чалавека і ўласную ідэнтычнасць.

Вапняковыя пячоры, у якіх была выяўлена сэнсацыйная знаходка, нагадваюць своеасаблівы музей старажытнага наскальнага жывапісу. На думку навукоўцаў, дагістарычныя мастакі малявалі ў іх на працягу тысячагоддзяў.

«Датаванне паказвае, што гэтыя пячоры выкарыстоўваліся для малявання на працягу незвычайна працяглага перыяду. Малюнкі ствараліся неаднаразова аж да (…) апошняга ледавіковага перыяду, — дадалі аўтары даследавання. — Пасля доўгага перапынку пячоры зноў былі распісаныя першымі земляробамі Інданезіі, аўстранезійскімі народамі, якія прыбылі ў гэты рэгіён каля 4 тыс. гадоў таму і нанеслі новыя выявы паверх значна больш старажытных наскальных малюнкаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]