Вялікабрытанія гатовая збіваць расійскія самалёты над тэрыторыяй НАТА

Лондан адкажа на правакацыі.

Вялікабрытанія прыгразіла збіваць самалёты РФ, калі яны будуць парушаць паветраную прастору краін-членаў НАТА.

Пра гэта заявіла кіраўніца МЗС Вялікабрытаніі Іветта Купер, паведамляе Sky News.

«Калі нам давядзецца супрацьстаяць самалётам, якія без дазволу лятаюць у паветранай прасторы НАТА, мы гэта зробім», — падкрэсліла яна.

Міністарка назвала дзеянні расіян «небяспечнымі і безразважнымі», здольнымі падарваць тэрытарыяльную цэласнасць суверэнных дзяржаў і еўрапейскую бяспеку. Яна папярэдзіла, што наўмысныя правакацыі Крамля могуць прывесці да прамога ўзброенага сутыкнення паміж НАТА і Расіяй.

«Наш альянс абарончы, але не жывіце ілюзіямі: мы гатовыя прыняць усе неабходныя меры для абароны паветранай прасторы і тэрыторыі НАТА. Мы пільныя. Мы рашучыя», — падкрэсліла Купер.

Яна таксама адзначыла, што РФ узмацняе атакі на Украіну і здзяйсняе «безразважныя» ўварванні ў неба Польшчы, Румыніі і Эстоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]