Беларусаў чакае фантастычны метэорны паток

У ноч з 13 на 14 снежня.

Наймацнейшы ў годзе метэорны паток Гемініды — да 150 успышак за гадзіну — чакае нас у гэтыя выхадныя.

Сваёй максімальнай актыўнасці ён дасягне ў ноч з 13 на 14 снежня каля другой гадзіны ночы паводле мясцовага часу.

Гемініды — не толькі адзін з апошніх, але і адзін з самых магутных метэорных патокаў года. Яны пераўзыходзяць нават жнівеньскія Персеіды.

Асаблівасць снежаньскага зоркападу ў тым, што ён выкліканы не каметай, а астэроідам Фаэтон. Дзякуючы гэтаму часцінкі, што згараюць у атмасферы Зямлі, ствараюць незвычайна яркія і рознакаляровыя ўспышкі — чырвоныя, блакітныя, зялёныя, жоўтыя і белыя. Колер залежыць ад складу металаў, якія ўваходзяць у часціцы.

Падаючых зорак чакаецца столькі, што беларусы забудуцца пра ўсё на свеце. Маглі б і забыцца. Але нас ужо каторы раз гэтай зімой абяцае падвесці надвор’е. Галоўны вораг зорнага неба — высокая воблачнасць, згодна з прагнозамі, сапсуе ўсё задавальненне ад нябеснага светлавога шоу. Але, як кажуць, часам дастаткова проста ведаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]