МУС Польшчы зрабіла новую заяву па мяжы з Беларуссю

Мяжа закрытая «да асаблівага распараджэння».

Міністэрства ўнутраных спраў і адміністрацыі Польшчы паведаміла пра закрыццё польска-беларускай мяжы да асаблівага распараджэння. У ведамстве адзначылі, што рашэнне абумоўлена клопатам пра бяспеку польскіх грамадзян.

Як дадалі прадстаўнікі міністэрства, забеспячэнне бяспекі жыхароў краіны — галоўны прыярытэт. Закрыццё мяжы звязана з расійска-беларускімі вучэннямі «Захад-2025», што не азначае аўтаматычнага адкрыцця мяжы адразу пасля завяршэння гэтых вучэнняў.

«Мы адновім рух тады, калі мяжа будзе цалкам бяспечная, і гэта пацвердзяць звесткі, перададзеныя службамі. Мы разумеем, што прыпыненне памежнага руху — выклік для перавозчыкаў, якія вымушаныя выкарыстоўваць, напрыклад, памежныя пераходы ў Літве для выканання перавозак», — гаворыцца ў паведамленні.

Ведамства падкрэсліла, што з улікам эканамічных пытанняў прыкладзе намаганні, каб перыяд закрыцця мяжы быў як мага менш абцяжарлівым для прадпрымальнікаў. «Страты будуць ацэнены, калі стане вядома, як доўга мяжа застанецца закрытай. Тады міністэрствы змогуць падрыхтаваць адпаведную зводку. На гэтай падставе ўрад будзе прымаць рашэнні аб магчымай падтрымцы асобных галін прамысловасці», — гаворыцца ў паведамленні.

Зазначым, Польшча закрыла мяжу ў ноч на 12 верасня, калі ў Беларусі пачаліся сумесныя з Расіяй вучэнні «Захад-2025».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]