Усе квіткі на канцэрт Макса Коржа ў Бухарэсце разышліся менш чым за два тыдні

Канцэрт адбудзецца на Нацыянальным стадыёне, які змяшчае 54 тысячы чалавек.

Усе квіткі на канцэрт беларускага выканаўцы Макса Коржа у Бухарэсце (Румынія) распрададзеныя. Адпаведная абвестка з'явілася 11 снежня ў Instagram музыканта.

Канцэрт, нагадаем, адбудзецца 23 мая на Нацыянальным стадыёне, які змяшчае 54 тысячы чалавек. Продаж квіткоў пачаўся 2 снежня.

«Дзякуй усім, хто падтрымаў ідэю канцэрта ў Бухарэсце. Можа, тады яшчэ адзін у Еўропе?» — пацікавіўся ў сваіх прыхільнікаў Макс Корж.

У каментарах карыстальнікі ідэю падтрымалі. Некаторыя прапанавалі музыканту падумаць пра тое, каб арганізаваць у Еўропе не адзін дадатковы канцэрт, а больш. У якасці магчымых лакацый прапаноўвалі Амстэрдам, Прагу, Германію.

«Проста ў глобус тыцні, мы ўсе прыедзем», — паабяцаў карыстальнік dukalisev.

Нагадаем, апошні канцэрт беларускага выканаўцы, які прайшоў 9 жніўня 2025 года на стадыёне PGE Narodowy ў Варшаве (Польшча), сабраў больш за 70 тысяч чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]