Беларуская сям'я вырасціла 120 сартоў вінаграду і 50 відаў фундука

Хобі ператварылася ў прыбытковую справу.

На Лоеўшчыне ўсё больш садоўнікаў вырошчваюць маліну, ажыну і чарніцу. А мясцовыя жыхары Алена і Дзмітрый Музычэнка вырашылі эксперыментаваць з паўднёвымі культурамі і заклалі вінаграднік і арэшнік. Іх захапленне ўжо перарасло ў невялікі сямейны бізнес, расказаў партал «Праўда Гомель».

Усё пачалося з аднаго саджанца вінаграду на ўчастку каля новага дома. Ідэя так захапіла сужэнцаў, што цяпер на іх 90 сотках расце больш за 120 сартоў гэтай ягады. Сярод іх — «Юпітэр», «Аркадыя», «Дар'я», «Мальчик с пальчик» і беларускі сорт «Падарунак Беларусі».

«Спачатку было складана, — прызнаецца Алена. — Мы з нуля вывучалі, як укарэніваць лазу, паліваць, падвязваць і абразаць яе ў патрэбныя тэрміны. Дапамагалі бацькі, асабліва калі мы ўзялі дадатковы ўчастак».

Дагляд за вінаграднікам цягнецца з красавіка да позняй восені. Каб лаза добра перажыла зіму, гаспадары ўкрываюць яе, а вясной вяртаюць на шпалеры. Праца акупляецца: адна гронка за сезон можа дасягаць трох кілаграмаў. Познаспелыя сарты радуюць сям'ю свежымі ягадамі да сярэдзіны зімы.

Пазней да вінаграду дадаўся і фундук. Сужэнцы высадзілі на ўчастку каля 300 саджанцаў амаль 50 сартоў, уключаючы «Каралеўскі з Трапезунда», «Іспалін» і «Шэдэўр». Чырваналісцевыя кусты арганічна ўпісаліся ў ландшафт, а хатнія арэхі аказаліся смачнымі і пажыўнымі.

З цягам часу хобі перарасло ў справу: сям'я прадае лішкі вінаграду і саджанцы.

«Людзі ахвотна звяртаюцца да нас, дзякуюць і рэкамендуюць іншым, — распавядае Дзмітрый. — Пра наш вінаград ведаюць нават за межамі раёна, пакупнікі прыязджаюць з Рэчыцы і Брагіна. З фундукам вялікіх аб'ёмаў пакуль няма, таму арэхамі мы толькі частуем блізкіх».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]