Развіццё ШІ сутыкнулася з сур'ёзнай перашкодай
10- 21.07.2024, 19:05
- 12,052
![Развіццё ШІ сутыкнулася з сур'ёзнай перашкодай](https://i.c97.org/ai/267598/aux-head-1509360419-20171030_intelekt_t.jpg)
Якой?
Развіццё індустрыі ШІ сутыкнулася з чарговай перашкодай: абмежаваннем доступу да звестак. Пра гэта піша New York Times са спасылкай на даследаванне, праведзенае групай Data Provenance Initiative пад кіраўніцтвам Масачусэцкага тэхналагічнага інстытута.
Так, аналіз больш як 14 тысячаў даменаў, якія выкарыстоўваюцца ў трох найбуйнейшых базах звестак для навучання ШІ, паказаў значную тэндэнцыю да абмежавання доступу. Прыкладна 5% усіх звестак і 25% найболей каштоўных звестак былі абароненыя пратаколам Robots Exclusion Protocol, які дазваляе ўладальнікам сайтаў блакаваць аўтаматызаваныя сістэмы збору звестак. Акрамя таго, амаль 45% звестак з набору звестак C4 цяпер абмежаваныя ўмовамі абслугоўвання вэб-сайтаў.
«Мы назіраем хуткае зніжэнне колькасці згодаў на выкарыстанне звестак у інтэрнэце, што будзе мець наступствы не толькі для кампаній, якія займаюцца ШІ, але і для даследнікаў, навукоўцаў і некамерцыйных арганізацый», – канстатаваў асноўны аўтар даследавання Шэйн Лангпрэ.