Беларусы аказаліся найлепшымі ў матэматыцы ў Еўропе

Нашы школьнікі заваявалі шэсць медалёў.

На Міжнароднай матэматычнай алімпіядзе беларускія школьнікі занялі пятае месца, саступіўшы толькі прадстаўнікам краінаў Азіі і ЗША, паведамляе «Наша Нiва».

65-я Міжнародная матэматычная алімпіяда прайшла ў горадзе Бат (Вялікая Брытанія). Штогадовае спаборніцтва сярод школьнікаў у матэматыцы праводзіцца з 1959 года, што робіць яе найстарэйшай з міжнародных прадметных алімпіядаў.

Сёлета каманда Беларусі заняла пятае месца ў агульнакамандным заліку, што з'яўляецца найлепшым вынікам для краіны на такіх спаборніцтвах. Беларускія школьнікі абышлі каманды ўсіх еўрапейскай краінаў, саступіўшы толькі камандам Індыі, Паўднёвай Карэі, Кітая і ЗША.

Летась беларуская каманда займала толькі 17 месца.

Школьнікі з розных куткоў Беларусі заваявалі шэсць медалёў: золата ўзялі вучні гімназіі № 41 г. Менска Міхаіл Райхман і Мацвей Вылягжанін, вучань гімназіі № 2 г. Віцебска Іван Каршуноў і вучань гімназіі № 51 г. Гомеля Павел Цітоў. Бронзавыя медалі атрымалі вучні гімназіі № 2 г. Віцебска Мацвей Арэшчанка і Максім Манастырскі.

З суседзяў бліжэй за ўсіх аказалася каманда Польшчы, якая заняла 9-е месца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]