Да +31 градуса чакаецца ў Беларусі ў панядзелак
- 21.07.2024, 20:16
- 3,792
![Да +31 градуса чакаецца ў Беларусі ў панядзелак](https://i.c97.org/ai/603712/aux-head-1721565446-20240326_kajmanzwei_360.jpg)
Пройдуць кароткачасовыя дажджы.
Кароткачасовыя дажджы, месцамі навальніцы і да +31 градуса на паўднёвым захадзе прагназуецца ў Беларусі на 22 ліпеня. Аб гэтым паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Міністэрства прыродных рэсурсаў і аховы навакольнага асяроддзя.
Сіноптыкі папярэджваюць аб неспрыяльнай гідраметэаралагічнай з'яве, абвясціўшы аранжавы ўзровень небяспекі.
Заўтра, 22 ліпеня, у краіне чакаецца пераменная воблачнасць, месцамі кароткачасовыя дажджы, у асобных раёнах навальніцы. У начны і ранішні час месцамі слабы туман. Вецер няўстойлівы слабы да сярэдняга, пры навальніцах - парывісты.
Тэмпература паветра мінімальная ўначы ад 11 да 17 градусаў, максімальная ўдзень ад 23 да 29 градусаў. У дзённы час на паўднёвым захадзе рэспублікі максімальная тэмпература паветра дасягне 30-31 градуса са знакам плюс.