13 лiпеня 2024, Субота, 11:58
Падтрымайце
сайт
Сім сім,
Хартыя 97!
Рубрыкі

У Менску падатковая паставіла камеру ў атэлье, каб кантраляваць плынь кліентаў

43
У Менску падатковая паставіла камеру ў атэлье, каб кантраляваць плынь кліентаў

Але ўладальніца прыдумала мудрагелісты ход.

Падатковая спрабавала вывесці на чыстую ваду ўладальніцу швейнай майстэрні і ўстанавіла камеру ў атэлье. Але камера паказвала адсутнасць кліентаў. Выявілася, што гаспадыня атэлье прыдумала хітры спосаб падмануць інспектараў, але ён ёй не дапамог. Аб гэтым выпадку расказалі ва Управе аператыўных мерапрыемстваў інспекцыі Міністэрства падаткаў і збораў Менска.

Летась падатковая высветліла, што ўладальнікі швейнай майстэрні бралі ад кліентаў гатоўку і не плацілі з яе падаткі - іх выкрылі ва ўтойванні амаль 130 тысяч рублёў прыбытку.

Сёлета пры праверцы дзейнасці майстэрні высветлілася, што сярэднямесячны даход складае блізу 600 рублёў. У падатковай заяўленым лічбам не паверылі і 17 чэрвеня ўсталявалі ў атэлье камеру відэаназірання.

Уладальніца майстэрні не разгубілася, напісала аб'яву «Майстэрня не працуе» і прыляпіла яе на ўваходных дзвярах.

«Кліенты, бачачы аб'яву, тэлефануюць ёй, і яна выносіць заказ на вуліцу, дзе перадае яго кліенту і там жа прымае гатоўку», – абурыліся ў падатковай.

Як менавіта пакаралі прадпрымальную жанчыну, у ведамстве не паведамілі.

Напісаць каментар 43

Таксама сачыце за акаўнтамі Charter97.org у сацыяльных сетках