Спадарожнікавыя здымкі пацвердзілі знішчэнне чатырох самалётаў РФ на авіябазе ў Крыме
4- 18.05.2024, 20:08
- 9,364
![Спадарожнікавыя здымкі пацвердзілі знішчэнне чатырох самалётаў РФ на авіябазе ў Крыме](https://i.c97.org/ai/411200/aux-head-1613210065-20210213_raketa_360.jpg)
Удар быў нанесены амерыканскімі ракетамі.
15 траўня Украіна нанесла ўдар нядаўна пастаўленымі з ЗША балістычнымі ракетамі ATACMS па аэрапорце Севастопаля «Бельбек», дзе грунтуецца авіяцыя Чарнаморскага флоту.
Удар атрымаўся выніковым: мяркуючы з спадарожнікавых здымкаў, апублікаваных кампаніяй Maxar, касетныя боепрыпасы ракетаў падбілі як мінімум адзін знішчальнік Су-27 і два знішчальнікі-перахопнікі МіГ-31.
Гэта першыя МіГ-31, знішчаныя за час вайны. Таксама быў падбіты склад авіяцыйнага паліва і адзін знішчальнік МіГ-29.
Спецыяльна мадэрнізаваны МіГ-31 можа быць носьбітам гіпергукавых ракетаў «паветра – зямля» «Кінжал».
![](https://i.c97.org/ai/595582/aux-1716051992-UncuanBn.jpeg)
MAXAR TECHNOLOGIES / REUTERS / SCANPIX / LETA
![](https://i.c97.org/ai/595582/aux-1716051992-V1EuanBn.jpeg)
MAXAR TECHNOLOGIES / REUTERS / SCANPIX / LETA