У Харкаўскай вобласці расейцам зладзілі «карусель»

Акупанты спрабавалі схавацца пад дрэвам.

Украінскія вайскоўцы паказалі, як яны знішчылі расейскіх акупантаў дронамі менш чым за гадзіну падчас чарговай спробы штурму ў Харкаўскай вобласці.

Адпаведнае відэа апублікавала падраздзяленне «Гостры Картузі» Цэнтра спецыяльнага прызначэння «Амега» Нацгвардыі Украіны.

Так, група расейскіх штурмавікоў з прыкладна дзесяці чалавек пачула дроны і надумала схавацца ад іх пад дрэвам.

«У выніку дронавага нападу ўся група штурмавікоў была знішчаная менш чым за гадзіну», – гаворыцца ў паведамленні.

Украінскія ваяры падзякавалі ўсім, хто дапамагае знішчаць ворагаў і вызваляць часова акупаваную тэрыторыю.