Шматдзетная маці з Барысава змагаецца за элементарныя ўмовы для жыцця

Адміністрацыя горада ігнаруе яе звароты.

Вольга атрымала сацыяльнае жыллё ў Барысаве ў доме па вуліцы Нармандыя-Нёман д.186а. Але назваць яе жыццё радасным язык не паварочваецца. Кожны дзень яна разам з дзецьмі пакутуе ад ядаў і пацукоў, якіх, паводле яе слоў, у сутарэнні гаць-гаці. Пры гэтым ЖЭУ-4 і адміністрацыя горада не спяшаюцца на дапамогу.

- Кожную зіму, ды і летам, у прынцыпе, таксама, з сутарэння смурод стаіць невыносны, - скардзіцца ex-press.by барысаўка. - Смярдзіць дохлымі пацукамі (ці хто там, не зразумела), і гэты смурод даходзіць да кватэры. Дыхаць невыносна, калі заходзіш у пад'езд, адразу ўсё зразумела.

Са слоў спадарыні, ЖЭУ-4 нічога не робіць:

- Я тэлефанавала 115, таксама нічога, проста далі нумар "нейкага" начальніка, той сказаў: "Зразумела, будзем нешта рабіць".

Але нічога не было зроблена, прыбіральшчыцы ў пад'ездзе таксама няма.

Пры ўсёй гэтай жудаснай сітуацыі высветлілася, што жыхары кожны месяц плацяць за абслугоўванне дапаможных памяшканняў:

- Плацім, але ўсім на ўсё напляваць. Маўляў, сацыяльны дом - у прынцыпе не шчаслівы. Што рабіць і куды звяртацца ўжо не ведаю.

У Вольгі ёсць дзеці, якія дыхаюць гэтымі ядамі. Так, сын, паводле ейных слоў, часта хварэе, у сад не ходзіць:

- Толькі вылечу, ён зноў захварэе, ад гэтых ядаў імунітэт аслабеў.