Зяленскі заінтрыгаваў заявай аб знішчэнні А-50
14- 24.02.2024, 20:19
- 19,716
![Зяленскі заінтрыгаваў заявай аб знішчэнні А-50](https://i.c97.org/ai/529397/aux-head-1671778641-20221222_zelenskiy_360.jpg)
Збіццё гэтага самалёта – заслуга не толькі УСУ.
Прэзідэнт Украіны Уладзімір Зяленскі пракаментаваў знішчэнне 23 лютага расейскага самалёта далёкага радыёлакацыйнага выяўлення А-50У.
Збіццё гэтага самалёта і іншых – вынік працы хаўруса Украіны і яе партнёраў, заявіў ён на прэс-канферэнцыі з еўрапейскімі лідарамі ў Кіеве ў суботу.
«Што тычыцца А-50 і іншых самалётаў нашых ворагаў – гэта вынік у любым выпадку нашага хаўруса, хаўруса Украіны і партнёраў. Без гэтага хаўруса нам было б вельмі складана, а ў некаторых кірунках немагчыма абараняць сваю дзяржаву», – падкрэсліў прэзідэнт.
«Мы за гэта ўдзячныя, безумоўна, нашым вайскоўцам, нашаму народу і нашым усім партнёрам», – дадаў ён.
Кіраўнік украінскай дзяржавы таксама падкрэсліў: «Украіна не мае магчымасці і не мае права, і ніколі гэтага не будзе, каб Украіна прымяняла зброю партнёраў на іншых тэрыторыях, акрамя ўкраінскай часова акупаванай тэрыторыі».