У Беларусі канфіскавалі і выставілі на аўкцыён рарытэтны спорткар

Колькі за яго хочуць?

Гандлёвы дом "Усходні", які займаецца рэалізацыяй канфіскаванай маёмасці, выставіў на аўкцыён рарытэтны спорткар.

Гэта Chevrolet Corvette выпуску 1976 гады. Прадстаўлены на таргах лот - узор трэцяга пакалення легендарнай спартыўнай мадэлі. Пад капотам аўта 5,7-літровы рухавік. Гэта базавы матор, а па жаданні кліента на спорткар ставілі нават 7,3-літровыя агрэгаты, зазначыў blizko.by.

Прабег у 48-гадовага аўтамабіля невялікі - усяго 77 562 км. Як адзначана ў апісанні, маюцца "сколы, драпіны". Аўто было канфіскаванае на літоўска-беларускай мяжы (правозіла кантрабанду).

Стартавы кошт гэтага “Шэўрале” склаў 158 175 рублёў (49500 даляраў паводле актуальнага курсу). Пры гэтым удзельніку аўкцыёну неабходна ўнесці задатак не менш за 10% ад першапачатковай цаны лота. Адбудуцца таргі 12 студзеня.

Кіроўца паехаў па "чырвоным" калідоры, каб падаць дэкларацыю на ўвоз свайго аўто. Паводзіны выклікалі падазрэнні ў мытнікаў, і яго адправілі на дадатковы надгляд. У выніку ў легкавіку знайшлі паражніну са 134 брыкетамі з гашышам. Яму далі 15 гадоў зняволення.