Мінабароны: Украіна на саміце ў Вільні атрымае дарожную карту ў NATO

Названыя тэрміны і алгарытм уступлення ў Альянс.

На саміце NATO ў Вільні, які пройдзе 11–12 ліпеня, Украіна чакае зацвярджэння механізму ўступлення ў Паўночнаатлантычны альянс.

Кіеў павінен дакладна разумець, што пасля заканчэння вайны з агрэсаркай Расеяй еўраатлантычная інтэграцыя дзяржавы адбудзецца цягам аднаго-двух гадоў.

Пра гэта заявіў намеснік міністра абароны Украіны Уладзімір Гаўрылаў.

Як паведамляе прэс-служба Мінабароны, ён расказаў, што ў ліпені краіны Альянсу «выйдуць на пэўны парадак уступлення Украіны, які будзе зафіксаваны».

Паводле словаў намесніка міністра, наўрад ці ўзнікнуць сур'ёзныя супярэчнасці ў пытанні прыняцця рашэння аб наступнай еўраатлантычнай інтэграцыі Кіева.

«Ёсць усе прыкметы таго, што Украіна атрымае тое, што хоча ў пэўным фармаце», – перакананы Гаўрылаў.

Як мяркуе намеснік кіраўніка Мінабароны, у Кіеве павінны дакладна ведаць, што Украіны ўступіць у Паўночнаатлантычны альянс праз 1-2 гады пасля заканчэння вайны з акупантам Расіяй.

«Ужо цяпер на саміце ў Вільні Украіна дакладна павінна разумець, што пасля вайны, скажам на працягу года-двух, пасля правядзення пэўных працэдурных рэчаў мы будзем членамі NATO», – падкрэсліў Уладзімір Гаўрылаў.