У Севастопалі вайскоўцаў РФ масава накармілі мыш'яком
23- 1.12.2023, 15:18
- 24,122
![У Севастопалі вайскоўцаў РФ масава накармілі мыш'яком](https://i.c97.org/ai/353722/aux-head-1572420981-20191030_army_t.jpg)
24 акупанты сталі "200-мі".
Чарговы выпадак масавага атручэння жаўнераў РФ здарыўся на акупаваных тэрыторыях. Гэтым разам непрыемнасць напаткала расейскіх салдат у адной з вайсковых частак Севастопаля. Пра гэта паведаміў расейскі Z-канал “Крамлёўская табакерка”, паведамляе Дыялог.UA.
Як паведамляецца, у адной з вайсковых частак было застолле, дзе і адбылося масавае атручэнне. Гарэлку і закуску прынеслі дзве невядомыя жанчыны, якія пазней уцяклі, сілавікі РФ не могуць іх знайсці.
“Прыйшлі на КПП вайсковай часці дзве мілыя дзяўчыны, прадставіліся мясцовымі жыхаркамі. Прынеслі сем бутэлек гарэлкі і крыху закускі - рыбу, каўбасу, хлеб, сыр. Сказалі ахове, што хочуць аддзячыць нашым дзецюкам за тое, што тыя іх абараняюць. Хлопцы гарэлку і ежу ўзялі, выпілі з таварышамі са службы, паелі, і многія атруціліся”, - распавёў рэсурс.
З ягоных звестак, у выніку 24 вайскоўцаў РФ памерлі, яшчэ 11 ляжаць у шпіталі. Таксама, запэўнівае Z-канал, атручанай была гарэлка. У ёй нібыта былі выяўленая велізарная колькасць мыш'яку, а таксама стрыхнін. Абодва прэпарата надзвычай таксічныя і выкарыстоўваюцца для знішчэння грызуноў.