На таргах БВФБ курс даляра склаў Br2695, абнавіўшы гістарычны максімум
8- 23.01.2009, 12:38
Курс даляра ЗША павялічваецца на 10 рублёў ужо чацвёрты дзень запар.
Па выніках таргоў замежнымі валютамі 23 студзеня на Беларускай валютна-фондавай біржы курс даляра ЗША у адносінах да беларускага рубля абнавіў гістарычны максімум і склаў 2695 рублёў, павялічыўшыся на 10 рублёў у параўнанні з папярэднім значэннем, паведамляе АФН.
Пры гэтым попыт на амерыканскую валюту на 13.585 млн. даляраў перавысіў прапанову. Аб'ём пагадненняў склаў 21.905 млн. даляраў, попыт — 21.959 млн., прапанова - 8.374 млн.
Курс еўра знізіўся на 34 рубля і склаў 3461 рублёў за еўра, расейскага рубля павялічыўся на 0,07 рубля і склаў 81.93 беларускіх рубля за адзін расейскі.
