Перадатчыкі "БЕСТ" адключаюць
7- 23.01.2008, 14:26
Перадатчык сотавага аператара “БЕСТ”, які знаходзіцца ў адным з раёнаў Гродна, быў адключаны арэндадаўцам.
Антэна знаходзілася на будынку інтэрната. Як высветлілася, сотавы аператар не аплаціў арэнду, з-за чаго кіраўніцтва інтэрната прыняло рашэнне адключыць перадатчык, паведамляе Еўрарадыё.
Тым часам, у гродзенскім прадстаўніцтве "БЕСТ" дадзеную сітуацыі каментаваць адмовіліся. Дарэчы, пасля адключэння перадатчыка, якасць сувязі гэтага мабільнага аператара у гродзенскім раёне Дзевятоўка значна пагоршылася.
