Не толькі Уіткоф і Кушнер: хто яшчэ сустрэўся з Пуціным у Маскве

Не выключана, што тэмай размовы маглі быць санкцыі ЗША супраць Расіі.

У суботу, 5 верасня, у Маскве адбылася сустрэча спецпрадстаўнікоў Трампа Стыва Уіткофа і Джарэда Кушнера з дыктатарам РФ Уладзімірам Пуціным. На ёй былі абмеркаваныя далейшыя крокі дзеля дасягнення міру ва Украіне.

Пра гэта паведамляе журналіст Axios Барак Равід у сацсетцы Х і журналіст Reuters Стыў Холанд.

«Уіткоф і Кушнер сустрэліся з прэзідэнтам Пуціным, каб прасунуць праграму прэзідэнта Трампа па ўсталяванні міру ў расійска-украінскай вайне... Бакі абмеркавалі змястоўныя планы далейшых крокаў, якія будуць абвешчаныя ў бліжэйшыя тыдні, і спадзяюцца на не менш прадуктыўныя сустрэчы заўтра (маецца на ўвазе 6 верасня — рэд.) ва Украіне», — напісаў Равід, і гэтую ж інфармацыю пацвердзіў Холанд.

Абодва журналісты спаслаліся на неназванага прадстаўніка Белага дома. Тая ж крыніца ўдакладніла, што ў склад дэлегацыі ЗША ўваходзілі таксама прадстаўнікі Савета нацыянальнай бяспекі, Дзярждэпартамента і Міністэрства фінансаў, каб абмеркаваць прапановы па завяршэнні вайны.

Пры гэтым прадстаўнік Мінфіна не ўдзельнічаў у перамовах з Пуціным, а размаўляў з пасланнікам Пуціна Кірылам Дзмітрыевым. Не выключана, што тэмай размовы сталі санкцыі ЗША супраць Расіі.

«Джын Лэнг, выконваючы абавязкі кіраўніка Міністэрства фінансаў па санкцыях, далучыўся да Уіткофа і Кушнера ў гэтай паездцы. Лэнг удзельнічаў у падрыхтоўчай сустрэчы з пасланнікам Пуціна Кірылам Дзмітрыевым, але не прысутнічаў на сустрэчы з Пуціным», — паведаміў Барак Равід.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]