Стала вядома, хто прадставіць Беларусь на конкурсе «Місіс Сусвет»

Конкурс адбудзецца ў Каломба.

«Уладальніца тытула «Лэдзі Беларусь-2025» Маргарыта Маскяліене прадставіць Беларусь на міжнародным конкурсе «Місіс Сусвет». Ён адбудзецца ў кастрычніку ў Каломба — сталіцы Шры-Ланкі. Чакаецца, што за карону прыедуць пазмагацца прадстаўніцы са 120 краін.

У Маргарыты чацвёра дзяцей: старэйшай дачцэ Магеме ў кастрычніку споўніцца 12 гадоў, Алме цяпер 7 гадоў, Алсу — 5, а малодшаму Алемару напрыканцы верасня споўніцца 3 гады. У сям'і таксама жывуць дзве сабакі і два каты, паведамляе БелТА.

Сама Маскяліене нарадзілася ў Мінску, але некалькі гадоў таму сям'я пераехала ў вёску. Са сцэнай яна знаёма з дзяцінства: з 6 гадоў выступала ў ансамблі танца «Равеснік», пазней займалася мадэлінгам. Яна мае дзве вышэйшыя адукацыі і ступень магістра мастацтвазнаўства.

Пра свой характар Маргарыта кажа коратка: «Звонку я выглядаю як прынцэса, але ўнутры я воін». Цяпер яна працягвае займацца дэфіле, працуе над маўленнем з рэпетытарам і рыхтуецца да паездкі ў кастрычніку.

Пуцёўку на «Місіс Сусвет» Маскяліене атрымала пасля перамогі ў праекце «Лэдзі Беларусь-2025», які стаў нацыянальным адборам на міжнародны конкурс.»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]