Амерыканскі фрэгат адправілі на дно падчас вучэнняў
- 30.09.2026, 10:34
- 1,520
Яго атакавалі з мора і паветра.
Амерыканскі фрэгат тыпу Oliver Hazard Perry адправілі на дно. З 17 па 21 верасня каля ўзбярэжжа Шатландыі праходзілі амерыканска-брытанскія вучэнні Atlantic Thunder 26, якія завяршыліся практычнай стральбой па спісаным караблю. Як піша ZBiAM, мішэнню стаў былы амерыканскі фрэгат USS Klakring.
Галоўнай задачай вучэнняў была праверка дзеянняў супраць надводных цэляў, устойлівасці сістэм абмену данымі і здольнасці розных родаў узброеных сіл весці скаардынаваны агонь. Першапачаткова манеўры планавалі на 11–22 мая, але па неразгалошаных прычынах іх перанеслі на верасень.
Вучэнні прайшлі на брытанскім палігоне MOD Hebrides Range каля заходняга ўзбярэжжа Шатландыі. Палігон выкарыстоўваецца для выпрабаванняў і ацэнкі ўзбраення. Кантралюемая паветраная прастора асноўнага ўчастка складае каля 115 тыс. кв. км, а пры маштабных мерапрыемствах можа істотна пашырацца.
A decommissioned American frigate towed three thousand miles to die off the Hebrides. This is USS Klakring's last voyage, the weapons that broke her, and the damage left inside the hull.
📷 Imagery provided by the Royal Navy. pic.twitter.com/zdxxpAYtnf
— UK Defence Journal (@UKDefJournal) September 28, 2026
USS Klakring быў восьмым караблём падоўжанай версіі Long і 32-м фрэгатам гэтага тыпу, пабудаваным для ВМС ЗША. Яго заклалі 19 лютага 1982 года ў штаце Мэн, спусцілі на ваду 18 верасня таго ж года, а ў склад флоту прынялі 20 жніўня 1983-га.
Карабель назвалі ў гонар кантр-адмірала Томаса Б. Клакрынга, які падчас Другой сусветнай вайны камандаваў падводнай лодкай USS Guardfish і тройчы быў узнагароджаны ваенна-марскім крыжам.
Фрэгат вывелі са складу ВМС ЗША 22 сакавіка 2013 года. Пасля гэтага ён знаходзіўся на базе захоўвання спісаных караблёў у Філадэльфіі. 12 жніўня 2026 года яго адбуксіравалі па рацэ Дэлавер, пасля чаго пачаўся апошні пераход праз Атлантыку.
Дакладныя звесткі пра ўсіх удзельнікаў стральбы афіцыйна не раскрываліся. Вядома, што ў атацы ўдзельнічаў амерыканскі эсмінец, які выпусціў па фрэгату адну ракету, меркавана RIM-174 Standard SM-6. Акрамя таго, амерыканскія крыніцы пацвердзілі ўдзел двух шматмэтавых знішчальнікаў F-15E Strike Eagle.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
