Трамп прапанаваў прызначыць Коўла на пасаду спецыяльнага прадстаўніка па справах закладнікаў
- 29.09.2026, 20:10
Кандыдатуру спецыяльнага прадстаўніка прэзідэнта ЗША па Беларусі накіравалі на зацвярджэнне ў Сенат.
Прэзідэнт ЗША Дональд Трамп прапанаваў прызначыць Джона Коўла на пасаду свайго спецыяльнага прадстаўніка па справах закладнікаў, паведамілі ў прэс-службе Белага дома.
Кандыдатуру Коўла накіравалі на зацвярджэнне ў Сенат.
З лістапада 2025 года Джон Коўл, нагадаем, займае пасаду спецыяльнага прадстаўніка прэзідэнта ЗША па Беларусі. Пасля яго візіту ў Мінск 19 сакавіка 2026 года на волю выйшлі 250 палітвязняў. Усяго ЗША паспрыялі вызваленню больш як 500 беларускіх зняволеных. Сам Джон Коўл лічыць, што гэтая лічба значна большая, бо яшчэ каля двухсот чалавек былі вызваленыя ўказамі аб памілаванні, падпісанымі Аляксандрам Лукашэнкам.
«Дык што рэальная лічба складае прыблізна 700–800 чалавек. Спадзяюся хутка давесці яе да тысячы», — адзначаў Коўл у каментары «Голасу Амерыкі».
У інтэрв’ю тэлеканалу «Дождж» у верасні 2026 года Джон Коўл заявіў, што будзе займацца не толькі беларускімі, але і расійскімі палітвязнямі, а таксама ўкраінскімі ваеннапалоннымі.
Упраўленне спецыяльнага прадстаўніка прэзідэнта ЗША па пытаннях закладнікаў (SPEHA) каардынуе намаганні ўрада краіны, накіраваныя на вызваленне грамадзян ЗША, якія ўтрымліваюцца ў якасці закладнікаў або незаконна затрыманыя за мяжой.
SPEHA ўзаемадзейнічае з кааліцыяй, якая аб’ядноўвае дзяржаўныя структуры, прыватны сектар і некамерцыйныя арганізацыі, дзеля вызвалення грамадзян ЗША, што ўтрымліваюцца ў закладніках або незаконна затрыманыя за мяжой, аказання падтрымкі іх сем’ям і спынення практыкі выкарыстання закладнікаў як інструмента дыпламатыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
