У Кіеве пашкоджана дэпо станцыі «Кіеў-Пасажырскі», дата- і бізнес-цэнтры

Зяленскі расказаў пра расійскі ўдар па сталіцы Украіны.

Расія сёння ўначы нанесла некалькі удараў па Украіне.

«У Кіеве пашкоджана дэпо станцыі «Кіеў-Пасажырскі», дата- і бізнес-цэнтры, жылыя дамы. На Адэсчыне — навучальная ўстанова, інтэрнат і два замежныя судны. Пад расійскімі ўдарамі гэтай ноччу былі таксама Кіеўшчына, Дняпроўшчына, Харкаўшчына, Сумшчына, Данеччына, Запарожжа, Жытоміршчына, Валынь і Роўненшчына. Пашкоджаны энергетычныя аб’екты, падстанцыі, грамадзянскія прадпрыемствы, жылыя дамы», — пракаментаваў удары ў сваім тэлеграм-канале прэзідэнт Украіны Уладзімір Зяленскі.

«Проста тэрарысты, якія і ўдзень, і ўначы б’юць па жыцці, па нашых людзях, па выключна грамадзянскіх аб’ектах», — падкрэсліў украінскі прэзідэнт.

«Гэтай ноччу былі збіцці, у тым ліку і балістыкі. Дзякую ўсім, хто задзейнічаны ў абароне, і ўсім, хто выконвае нашы дамоўленасці. Удзячны амерыканскім і нарвежскім партнёрам за комплекс NASAMS і пакет ракет да яго. Удзячны Францыі і Германіі за пакет падтрымкі нашай ППА ў гэтыя дні, а менавіта ракетамі», — дадаў ён.

У ноч на 29 верасня Расія атакавала Кіеў балістычнымі ракетамі, а таксама рэактыўнымі дронамі і дронамі-ракетамі. Уначы і раніцай былі зафіксаваныя траплянні ў Саламянскім, Галасееўскім, Абалонскім і Пячэрскім раёнах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]