«Гэта добрая навіна для Украіны і дрэнная — для Расіі»

У ЕС узгаднілі ўмовы выдзялення 6,6 мільярда еўра з Фонду міру для Украіны.

Дзяржавы-члены ЕС дамовіліся аб умовах выдзялення Украіне сродкаў у памеры 6,6 млрд еўра з Еўрапейскага фонду міру. Пра гэта ў сваім X напісала высокая прадстаўніца ЕС па замежных справах і палітыцы бяспекі Кая Каллас, паведамляе «Еўрапейская праўда».

Каллас падкрэсліла, што гэта «добрая навіна для Украіны і дрэнная — для Расіі».

Паводле яе слоў, 900 млн еўра прызначаныя для Місіі ЕС па аказанні ваеннай дапамогі Украіне.

Яшчэ мільярд еўра пойдзе на фінансаванне новых сумесных закупаў абсталявання.

А 4,7 млрд еўра накіруюць на кампенсацыю выдаткаў дзяржавам-членам; прычым некаторыя з іх ужо заявілі, што перанакіруюць сваю долю на патрэбы Украіны, паведаміла кіраўніца еўрапейскай дыпламатыі.

- Гібрыдныя атакі Масквы накіраваныя на тое, каб запалохаць Еўропу і прымусіць яе скараціць падтрымку Украіны. Еўропа ж робіць наадварот, — падсумавала Каллас.

Канчатковае рашэнне павінны прыняць міністры абароны дзяржаў — членаў Еўрасаюза на пасяджэнні Савета ЕС у панядзелак.

У той жа час застаецца нявырашаным пытанне пра размеркаванне 4,7 млрд паміж дзяржавамі-членамі і пра тое, якая частка гэтай сумы будзе выдзеленая Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]