Пуцін і Лукашэнка засталіся: Саакашвілі расказаў гісторыю пра шалёнага дыктатара

Гэты выпадак адбыўся на саміце СНД.

Да 2009 года Туркменістанам кіраваў вядомы дыктатар Сапармурат Ніязаў, Туркменбашы. Дык вось, пры яго кіраванні ў Ашгабаце адбыўся саміт СНД. Пасля саміту, на банкеце, Туркменбашы раптам кажа: «Панове прэзідэнты, я хачу прадставіць вам свой урад». Адчыніліся дзверы банкетнай залы, і адтуль на чатырох увайшлі — дакладней, упаўзлі — апранутыя ў касцюмы прэм'ер-міністр і іншыя міністры.

Яны па адным падпаўзалі да Туркменбашы, а ён клаў кожнаму ў рот па цукерцы. Затым ён сказаў міністру замежных спраў: «Ну ж, мой верны пёс, гаўкні», — і той таксама разыграў сцэнку, стаўшы на заднія лапы, і залаяў.

Усё гэта мне ў падрабязнасцях расказаў тагачасны прэзідэнт Арменіі Роберт Качаран, які запатрабаваў спыніць гэтае прыніжэнне. Затым ён устаў і выйшаў з залы, хоць Пуцін, Лукашэнка і іншыя засталіся.

Праз некалькі месяцаў пасля гэтай гісторыі Туркменбашы арыштаваў амаль увесь кабінет міністраў і змясціў яго ў спецыяльную турму ў цэнтры горада, дзе столь была настолькі нізкая, што зняволеныя не маглі выпроствацца ў поўны рост. Не арыштаваў толькі аднаго міністра — аховы здароўя, які быў асабістым стаматолагам Сапармурата і пастаянна лячыў яму зубы.

А потым, яшчэ праз пэўны час, гэтаму стаматолагу па прозвішчы Бердымухамедаў, відаць, здарылася ўвесці гаспадару празмерную дозу абязбольвальнага, і Туркменбашы раптам памёр, а стаматолаг стаў прэзідэнтам.

Міхаіл Саакашвілі, Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]