У Мінску пачнуць будаваць катэджы на продаж

Першыя домы неўзабаве выставяць на аўкцыён.

У сталіцы Беларусі ў найбліжэйшыя гады пабудуюць каля 360 катэджаў, паведаміў у эфіры «Радыё-Мінск» генеральны дырэктар прадпрыемства «Мінскстрой» Анатолий Ведерчик, — пішуць «Мінск-Навіны».

Такія аб’екты будуць размеркаваныя па раёнах сталіцы — ад 1 да 25 домаў у кожным.

Паводле інфармацыі кіраўніка «Мінскстроя», новае індывідуальнае жыллё будуць узводзіць на месцы закінутых дзялянак і старых сараёў.

«У Мінску ёсць частка пляцовак, якія не выкарыстоўваюцца. Яны альбо закінутыя, альбо там стаяць не знесеныя сараі. Было прынята рашэнне на гэтых пляцоўках, якія немагчыма выкарыстоўваць пад панэльнае жыллё альбо нейкую вытворчасць, пабудаваць індывідуальныя жылыя дамы», — адзначыў Анатолий Ведерчик.

Ён таксама ўдакладніў, што прадпрыемства ўжо будуе дзевяць аб’ектаў, два з якіх у бліжэйшы час выставяць на аўкцыён.

У наступным годзе падрыхтуюць да здачы яшчэ сем катэджаў. Зямельныя дзялянкі, на якіх узвядуць такое жыллё, будуць прадастаўляцца ў арэнду.

Як адзначыў генеральны дырэктар «Мінскстроя», дамы будуць здавацца пад чыставую аддзелку — з усімі інжынернымі сеткамі. Будучым уладальнікам застанецца зрабіць унутраную аддзелку для сябе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]