Сі Цзіньпін прапанаваў Трампу новы фармат адносін паміж Кітаем і ЗША

Кіраўнік КНР зрабіў важную заяву адразу па прыбыцці ў ЗША.

Кітай і ЗША «мусяць быць партнёрамі, а не супернікамі».

З такой прапановай выступіў кіраўнік КНР Сі Цзіньпін адразу па прыбыцці ў Штаты, паведамляе AP.

Сі Цзіньпін заявіў, што імкненне Кітая да нацыянальнага адраджэння і спробы ЗША вярнуць сабе веліч могуць развівацца паралельна.

Паводле яго пераканання, краіны здольныя падтрымліваць поспех адна адной, што ў выніку прынясе карысць усяму свету.

У сваёй заяве кітайскі лідар таксама падкрэсліў, што Пекін і Вашынгтон «мусяць ісці насустрач адзін аднаму і сумесна працаваць над пабудовай стабільных адносін».

Кіраўнік КНР лічыць, што супрацоўніцтва павінна стаць асновай, а канкурэнцыю варта ўтрымліваць у належных межах.

Сі дадаў, што настроены ўрэгуляваць усе рознагалоссі з ЗША, каб паміж краінамі панаваў мір.

Нагадаем, прэзідэнт ЗША Дональд Трамп асабіста сустрэў кітайскага лідара Сі Цзіньпіна на вайсковай базе Joint Base Andrews, дзе для яго расклалі чырвоную дарожку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]