«У Крэмль увайдуць людзі ў вайсковай форме»

Расійскі добраахвотнік расказаў, хто зрыне Пуціна.

Расійскі добраахвотнік Максіміліян Андроннікаў (пазыўны «Цэзар») выказаў меркаванне, што рэжым Уладзіміра Пуціна зрынуць вайскоўцы. Паводле яго слоў, для арганізацыі маршу на Маскву не патрэбна вялікая колькасць людзей, аднак рабіць гэта трэба ў пэўны момант — калі Пуцін прыкметна аслабне, а незадаволенасць расійскіх вайскоўцаў дасягне кропкі кіпення.

«Цэзар» лічыць: калі расіяне, што ваююць ва Украіне, зразумеюць, што іх падманулі і што вайна з’яўляецца несправядлівай, яны падымуцца на бунт. Менавіта гэтыя людзі, на яго думку, найхутчэй і зрынуць дзеючы рэжым у РФ.

Свой прагноз для Расіі Максіміліян Андроннікаў агучыў у інтэрв’ю для «Апостроф TV» на YouTube. Расійскі добраахвотнік падзяліўся аптымізмам адносна развязкі вайны ва Украіне:

«Адразу скажу, што я вельмі аптымістычна настроены. Нягледзячы на ўсю цяжкасць становішча, я настроены аптымістычна. Я аптымістычна настроены як чалавек, які глыбока ведае гэтыя працэсы, што адбываюцца ўжо на працягу некалькіх гадоў вайны, і я аптымістычна настроены як веруючы чалавек, хрысціянін, які разумее, што Бог і праўда абсалютна на нашым баку, таму нам трэба пратрымацца, як хтосьці сказаў, на адзін дзень даўжэй, і мы пераможам. Яны самі сябе разваляюць, і ў патрэбны момант мы, легіянеры і сілы супраціву, якія ў нас там працуюць, у Расіі, падштурхнём і дапаможам гэтай сістэме зваліцца».

«Вы гатовыя да маршу на Маскву?» — спытаў свайго госця Дзмітрый Тузаў. На гэта «Цэзар», не задумваючыся, адказаў: «У любы момант».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]