Пуцін упершыню пракаментаваў 40-дзённую аперацыю СБУ па прымушэнні Крамля да міру

Украінцы сістэмна знішчаюць лагістыку расіян.

Дыктатар РФ Уладзімір Пуцін пагразіў Украіне ўдарамі ў адказ па лагістычнай інфраструктуры. Пра гэта ён заявіў у інтэрв'ю расійскаму прапагандысту Паўлу Зарубіну для «Вестей» 22 жніўня.

Такім чынам Пуцін пракаментаваў 40-дзённую аперацыю Украіны па прымушэнні Крамля да міру. Ён назваў яе «аванцюрай», «піарам» і «амбіцыямі» Кіева.

Дыктатар РФ сцвярджае, што атакі Украіны нібыта «ніяк не ўплываюць на становішча спраў на фронце». У той жа час гэтыя сцвярджэнні ён нічым не падмацаваў.

Па словах Пуціна, расійскія ўдары ў адказ на атакі Украіны па расійскай лагістыцы нібыта «не прымусяць сябе доўга чакаць». Ён заявіў, што Кіеў спрабуе нанесці шкоду расійскай эканоміцы, і дадаў, што акупацыйныя войскі ўзмацнілі паветраныя ўдары па Украіне, у прыватнасці па Кіеву, пасля атак на лагістыку РФ.

«Кіеўскі рэжым паставіў сваёй мэтай нанесці шкоду нашай эканоміцы. Што ён зрабіў? Ён сам адкрыў гэтую скрыню Пандоры. Ну што ж. Атрымаеце адказ па вашых найбольш адчувальных галінах эканомікі, якія, шчыра кажучы, і так дыхаюць на ладан. Гэта, дарэчы, датычыцца і сельскагаспадарчай вытворчасці, ад экспарту прадуктаў якой кііеўскі рэжым атрымлівае асноўныя даходы. «Хочаце парушыць нашу лагістыку?», — можам мы звярнуцца з гэтым пытаннем да праціўніка. Ну што ж, адказныя дзеянні не прымусяць сябе доўга чакаць. Атрымаеце», — заявіў Пуцін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]