Галоўчанка ў стылі Пракаповіча паспрабаваў супакоіць беларусаў

Кіраўнік Нацбанка назваў аслабленне беларускага рубля да долара «абсалютна спакойнай сітуацыяй».

Сітуацыя на валютным рынку «абсалютна спакойная». Так пракаментаваў аслабленне беларускага рубля да долара кіраўнік Нацбанка Раман Галоўчанка у эфіры дзяржтэлеканала «Першы інфармацыйны».

— Сітуацыя абсалютна спакойная, рухі курсу ідуць у межах нашых калідораў. Калі казаць пра нязначнае аслабленне беларускага рубля да долара, дык яно звязанае найперш з аслабленнем расійскага рубля адносна долара. У нас курсаўтварэнне ажыццяўляецца па формуле з улікам нашага валютнага кошыка. Адпаведна, мы крыху аслабелі адносна амерыканскай валюты. Але, ізноў-такі, гэта ў межах нашых курсаўых калідораў, — паведаміў Галоўчанка.

Ён дадаў, што ў мінулыя гады ў жніўні насельніцтва (перш за ўсё юрыдычныя асобы) выступала пакупніком валюты, але цяпер «і фізічныя, і юрыдычныя асобы валюту прадаюць», што «таксама аказвае пэўную падтрымку курсу беларускага рубля».

— Таму ўсё спакойна і стабільна, — запэўніў кіраўнік Нацбанка.

Нагадаем, да заканчэння мінулага тыдня абменны курс долара ЗША на беларускім валютным рынку ўшчыльную наблізіўся да псіхалагічнай адзнакі ў 3 рублі.

Адзначым, выказванні Галоўчанкі нагадваюць заявы і «прагнозы» экс-кіраўніка Нацбанка Беларусі Пятра Пракаповіча. У сакавіку 2011 года Пракаповіч заяўляў: «Пакуль я з’яўляюся старшынём праўлення Нацбанка, ніякай разавай аднамомантнай дэвальвацыі ніколі не будзе» (нават на 5%). У рэчаіснасці ўжо ў маі 2011 года беларускі рубель быў аднамомантна дэвальваваны больш як на 56%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]