З Беларусі могуць выслаць 11 польскіх святароў

Яны не атрымалі дазволу на служэнне.

Яшчэ 11 польскіх каталіцкіх святароў Мінска-Магілёўскай архідыяцэзіі могуць пакінуць Беларусь, паколькі яны не атрымалі дазволу ад Упаўнаважанага па справах рэлігій і нацыянальнасцей на працяг рэлігійнай дзейнасці, а «некаторыя атрымалі такі дазвол на мінімальны тэрмін», паведамляе ініцыятыва «Хрысціянская візія».

Адзначаецца, што ў сувязі з гэтым старшыня Канферэнцыі каталіцкіх біскупаў Беларусі, мітрапаліт Мінска-Магілёўскі Іосіф Станеўскі накіраваў просьбу да Аляксандра Лукашэнкі аб «падаўжэнні дазволу на служэнне гэтых святароў у Беларусі».

Называецца прозвішча аднаго з 11 святароў — Раман Шульц, які служыў у Беларусі з 2007 года. Паведамляецца, што з ім ужо «развіталіся» 15 жніўня падчас імшы з нагоды ўрачыстасці Унебаўзяцця Найсвяцейшай Панны Марыі ў катэдральным касцёле ў Магілёве.

«Гэты манах з ордэна дамініканцаў таксама не атрымаў дазволу на далейшую рэлігійную дзейнасць у Беларусі і павінен пакінуць краіну ў бліжэйшыя дні, — гаворыцца ў публікацыі. — Амаль 15 гадоў ён быў адміністратарам парафіі святога Казіміра і святой Ядвігі ў Магілёве, праводзіў штогадовы Ружанцовы кангрэс, быў ініцыятарам іншых мерапрыемстваў, аўтарам публіцыстычных матэрыялаў у каталіцкай прэсе Беларусі».

Падкрэсліваецца, што згаданая імша ў магілёўскім храме прайшла з удзелам апостальскага нунцыя ў Беларусі, архібіскупа Ігнацыё Чэфалія, Станеўскага і генеральнага вікарыя Мінска-Магілёўскай архідыяцэзіі біскупа Аляксандра Яшэўскага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]