Рынак акцый у Расіі паказаў рэкорднае падзенне з верасня 2022 года
- 14.08.2026, 22:07
Аналітыкі лічаць, што яно працягнецца.
Індэкс Масбіржы (IMOEX) па выніках асноўнай сесіі ў пятніцу, 14 жніўня, абваліўся на 4,29%, да 2136,35 пункта. Гэта наймацнейшае падзенне за дзень з 26 верасня 2022 года, калі IMOEX страціў 7,49%, падлічыў РБК. Папярэдні антырэкорд апошніх гадоў быў усталяваны 16 ліпеня гэтага года, але тады індэкс упаў крыху менш — на 4,24%.
На вечаровай сесіі акцыі здолелі толькі трохі адскочыць. Індэкс IMOEX2, які паказвае дынаміку рынку ў тым ліку на дадатковых сесіях, знізіўся на 3,56% да закрыцця вечаровых таргоў чацвярга і быў на ўзроўні 2140,52 пункта, паводле дадзеных на 19:28 па Мінску.
«У пятніцу, 14 жніўня, расійскі фондавы рынак, адкрыўшыся ў няўпэўненым плюсе, хутка змяніў настрой, дазволіўшы «мядзведзям» весяліцца да закрыцця таргоў, і ў выніку ўзрадаваныя «мядзведзі», кажучы на біржавым сленгу, укаталі рынак «у пыл», — пракаментавала вядучая аналітык Freedom Global Наталля Мільчакова.
Паводле яе слоў, сённяшні абвал, відаць, быў звязаны з абвастрэннем у геапалітыцы. Пры гэтым інвестары праігнаравалі нават рост цэн на нафту.
Раніцай у пятніцу індэкс Масбіржы быў вышэй за 2240 пунктаў, але ўжо ўдзень апусціўся ніжэй за 2200 пунктаў. Міністр замежных спраў Сяргей Лаўроў заявіў аб недапушчальнасці спынення баявых дзеянняў на цяперашняй лініі судакранання. Ён таксама сказаў, што Масква ўжорстчыць метады для разбурэння таго, чым Захад «падпітвае машыну ваеннай падтрымкі» Кіева.
«Выклікаюць занепакоенасць і адноўленыя атакі на паліўную інфраструктуру, і сігналы з паліўнага рынку — у шэрагу рэгіёнаў зноў уводзяць ліміты на продаж бензіну», — адзначыла эксперт «БКС Свет інвестыцый» Анастасія Папова.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
