Вялікі санаторый пад Мінскам прадаецца па цане дачы

Таргі запланаваныя на 30 ліпеня.

Непадалёк ад Мінска па цане добраўпарадкаванай дачы прадаецца велізарны санаторый. Лот выставілі на таргі на сайце Беларускай універсальнай таварнай біржы «БУТБ-Имущество», заўважыла «Камсамолка».

Ідзе гаворка пра недабудаваны двухкарпусны санаторый у вёсцы Новае Поле прыкладна ў 30 кіламетрах ад Мінска.

Недабудаваны санаторый складаецца з галоўнага і спальнага карпусаў. Плошча галоўнага корпуса — 6700 квадратных метраў, спальнага — 2100 «квадратаў».

Будоўля спынілася ў дзевяностыя гады мінулага стагоддзя з-за недахопу фінансавання. Зараз комплекс знаходзіцца на балансе Горанскага сельвыканкама.

Візуальна галоўны корпус нагадвае трохпрамянёвую зорку. У ім павінны былі размяшчацца басейн, зона для СПА, медкабінеты. Ступень яго гатоўнасці на дадзены момант — 51%. У ўзведзеным на 69% спальным карпусе павінны былі быць нумары для адпачывальнікаў.

Акрамя аб’ектаў нерухомасці санаторый прадаецца разам з зямельным участкам плошчай каля чатырох гектараў з арэндай на 30 гадоў.

Кошт лота — 204 тысячы беларускіх рублёў. Прыблізна столькі будзе каштаваць добраўпарадкаваная дача ў якім-небудзь садовым таварыстве ў гэтых аколіцах.

Таргі запланаваныя на 30 ліпеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]