«Наступныя 100 дзён могуць вызначыць зыход вайны РФ супраць Украіны»

Прэм’ер-міністр Польшчы выступіў з важным папярэджаннем.

Наступныя некалькі месяцаў могуць вызначыць вынік расійска-украінскай вайны, таму саюзнікам варта ўзмацніць падтрымку Кіева.

З такой заявай выступіў прэм’ер-міністр Польшчы Дональд Туск, паведамляе The Guardian.

Сваім прагнозам кіраўнік польскага ўрада падзяліўся пасля сустрэчы з прэзідэнтам Украіны Уладзімірам Зяленскім. Як вядома, яна адбылася 29 ліпеня ў Польшчы.

«Сітуацыя цалкам ясная: наступныя 100 дзён могуць вызначыць вынік гэтай вайны, і цяпер шанцы — 50 на 50», — падкрэсліў Туск.

Паводле яго пераканання, прэзідэнт ЗША Дональд Трамп, «некаторыя іншыя людзі» і амерыканскі мільярдэр Ілон Маск могуць паўплываць на тое, чым скончыцца вайна.

Туск таксама заявіў, што сённяшні інцыдэнт з расійскай ракетай толькі ўмацаваў яго рашучасць і далей падтрымліваць Украіну.

«Бяспека Польшчы наўпрост і безагаворачна залежыць ад эфектыўных дзеянняў украінскіх вайскоўцаў, у прыватнасці ў паветры. Калі б украінцы мелі значна больш таго, пра што яны даўно просяць, магчыма, гэта балістычная ракета не была б запушчаная ў бок Польшчы», — заявіў Туск.

Ён таксама публічна паабяцаў, што Варшава зробіць усё магчымае, каб Украіна не прайграла вайну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]