Знайшлася беларуска, якая два тыдні таму пайшла ў лес і знікла

Яе шукалі 400 чалавек.

У Ганцавіцкім раёне знайшлася 67-гадовая Ніна Куніцкая, якая 14 ліпеня пайшла па ягады ў лес і знікла, паведамілі ў МУС.

Жанчыну заўважылі паблізу вёскі Раздзеловічы мясцовыя жыхары. Яны пазналі яе па арыенціроўцы і паведамілі ў міліцыю.

«З ёй усё ў парадку, яе жыццю і здароўю нічога не пагражае», — удакладнілі ў МУС.

Нагадаем, што Ніна Куніцкая 14 ліпеня пайшла з дому па ягады ў лес паблізу вёскі Плоскіна Пінскага раёна. Два тыдні яе не маглі знайсці.

У пошуках жанчыны ўдзельнічалі каля 400 супрацоўнікаў РОВД, УВД, РОЧС, ГРОЧС, РОСН «Зубр», ПОСО, работнікі Бобрыкаўскага лясніцтва, валанцёры арганізацый «Віцязь» і «Паўднёвы Захад».

«У пошуках удзельнічалі таксама мясцовыя жыхары, прыцягваліся вадалазы, спецтэхніка (квадрацыклы, квадракоптары, цеплавізары) і службовыя сабакі», — адзначылі ў МУС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]