Ці залічваюцца вучоба і адпрацоўка ў пенсійны стаж

Расказалі ў Мінпрацы Беларусі.

У Міністэрстве працы і сацыяльнай абароны Беларусі патлумачылі, ці залічваюцца вучоба і адпрацоўка па размеркаванні ў пенсійны стаж.

У ведамстве адзначылі, што час вучобы на дзённай форме навучання ўключаецца ў агульны стаж працы, але пры гэтым не ўключаецца ў страхавы стаж. Менавіта ён важны для прызначэння пенсіі па ўзросце.

Што да адпрацоўкі па размеркаванні, яна якраз уключаецца ў страхавы стаж.

– Гэта афіцыйнае працаўладкаванне з заключэннем працоўнай дамовы (кантракта) і ўплатай абавязковых страхавых узносаў у ФСЗН, – патлумачылі ў Мінпрацы.

Таксама ў ведамстве нагадалі асноўныя ўмовы для пенсіі па ўзросце.

Агульны стаж працы для мужчын павінен складаць не менш за 25 гадоў, для жанчын — не менш за 20 гадоў.

Мужчыны выходзяць на пенсію ў 63 гады, жанчыны — у 58 гадоў.

Пры гэтым страхавы стаж павінен быць не менш за 20 гадоў (перыяды ўплаты ўзносаў у ФСЗН).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]