Украіна першай атрымае сучасныя антыбалістычныя сістэмы СПА

Зяленскі раскрыў падрабязнасці.

Украіна першай атрымае новыя ўзмоцненыя антыбалістычныя франка-італьянскія сістэмы SAMP/T NG. Пра гэта на фоне візіту ў Францыю 14 ліпеня паведаміў прэзідэнт Украіны Уладзімір Зяленскі.

«Францыя таксама прадаставіць два камплексы SAMP/T для ўзмацнення нашай абароны ўжо ў гэтым годзе. Адначасова Францыя і Італія паскораць пастаўкі ракет Aster 30 да кастрычніка гэтага года», – адзначыў лідар Украіны.

Зяленскі падкрэсліў, што Францыя прыняла рашэнне аб ліцэнзійнай вытворчасці для Украіны ракет Aster, якія выкарыстоўваюцца ў СПА SAMP/T, а таксама кіраваных авіяцыйных бомбаў AASM Hammer і крылатых ракет SCALP, пра што напярэдадні ўжо казаў прэзідэнт Францыі Эмануэль Макрон. Таксама Макрон паведамляў, што першыя знішчальнікі Rafale французскай вытворчасці павінны пачаць палёты ва Украіне ў 2028–2029 гадах.

Прэзідэнт Украіны адзначыў, што плануецца закупка першых 16 самалётаў Rafale для баявой авіяцыі сіл абароны і ўзбраення да іх і што ўжо ў гэтым годзе павінна пачацца навучанне ўкраінскіх пілотаў і механікаў у Францыі. Пасля гэтага, паводле яго слоў, першыя чатыры самалёты Rafale будуць перададзены Узброеным сілам Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]