У Крыме з-за энергакрызісу скароцяць вулічнае асвятленне

На паўвостраве ўведзены рэжым надзвычайнай сітуацыі.

Прызначаны Масквой «кіраўнік» анэксаванага Крыму Сяргей Аксёнаў заявіў, што ў муніцыпальных утварэннях паўвострава будзе скарочана вулічнае асвятленне. У сваім тэлеграм-канале ён удакладніў, што гэтая мера будзе прымяняцца ва ўсіх муніцыпальных утварэннях рэгіёна, аднак паабяцаў, што абмежаванні не закрануць жылыя дамы. Таксама Аксёнаў паведаміў пра фармаванне графіка паставак генератараў — забеспячэнне пачнуць з населеных пунктаў, дзе электрычнасці не было даўжэй за ўсё. «Ёсць такія населеныя пункты, у якіх электраэнергіі не было больш за 12 дзён», — адзначыў ён.

Рашэнне аб скарачэнні асвятлення прынята на фоне зацяжнога энергетычнага крызісу на паўвостраве. 26 чэрвеня ў Крыме з-за дэфіцыту паліва ўвялі рэжым надзвычайнай сітуацыі. 6 ліпеня «Крымэнерга» паведаміла, што ўвесь паўвостраў застаўся без электрычнасці ў выніку ўкраінскіх атакаў на энергасістэму. Неўзабаве мясцовы вадаканал паведаміў пра перабоі з водазабеспячэннем. На фоне блэкаўту і праблем з вадой жыхары сутыкнуліся з недахопам прадуктаў у крамах.

Украінскія ўлады раней абвясцілі пра намер ізаляваць Крым і ператварыць яго «ў востраў»: Узброеныя сілы Украіны з дапамогай беспілотнікаў усталявалі кантроль над рухам па трасе Р-280 «Наварасія», якая злучае Растоўскую вобласць з паўвостравам праз акупаваныя тэрыторыі, і ўзмацнілі ўдары па энергетычнай, ваеннай і транспартнай інфраструктуры. Акрамя таго, украінскія вайскоўцы разгарнулі кампанію супраць расійскіх судоў, якія накіроўваліся ў Крым.

Паводле звестак камандуючага Сіламі беспілотных сістэм Украіны Роберта Броўдзі («Мадзяра»), да 13 ліпеня ў Азоўскім моры за восем дзён былі паражаныя 105 судоў, якія спрабавалі даставіць грузы, уключаючы паліва, на тэрыторыю паўвострава. Таксама ў панядзелак другі раз за двое сутак пад удар патрапіў пункт ператоку электраэнергіі «Крым» (ПП-2 «Крым») — стратэгічны аб’ект энергамоста Кубань — Крым, які падае энергію з Краснадарскага краю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]