Іран аднаўляе ядзерныя аб’екты
- 11.07.2026, 10:31
- 1,594
З’явіліся спадарожнікавыя здымкі.
Іран пачаў аднаўленчыя работы на частцы аб’ектаў сваёй ядзернай праграмы пасля амерыканскіх і ізраільскіх удараў.
Пра гэта сведчаць новыя спадарожнікавыя здымкі, прааналізаваныя журналістамі CNN сумесна з Інстытутам навукі і міжнароднай бяспекі.
Паводле тэлеканала, на здымках за чэрвень і ліпень бачныя прыкметы рамонтных прац на аб’ектах, дзе, верагодна, мог захоўвацца ўзбагачаны ўран.
Спачатку над месцамі удараў былі ўсталяваныя часовыя сховішчы. Услед на тэрыторыі зафіксавалі бетонамяшалкі, а часовыя канструкцыі замянілі ахоўнымі сеткамі.
Эксперты лічаць, што выкарыстанне цяжкай будаўнічай тэхнікі і актыўны рух грузавікоў сведчаць пра падрыхтоўку да ліквідацыі пашкоджанняў, нанесеных ударамі ЗША і Ізраіля.
Паводле CNN, актыўнасць была зафіксаваная, у прыватнасці, на аб’екце ў раёне Парчына каля Тэгерана, які неаднаразова падвяргаўся ўдарам падчас амерыканскай вайсковай аперацыі, а таксама на аб’екце, вядомым як гара Піксакс.
У той жа час журналісты адзначаюць, што на іншых вядомых ядзерных аб’ектах Ірана не было выяўлена значных прыкмет пашкоджанняў. На тэрыторыі комплексу ў Ісфахане, паводле іх дадзеных, назіралася актыўнасць ракетных падраздзяленняў.
CNN адзначае, што гэтыя працы могуць выклікаць пытанні адносна выканання Іранам мемарандуму аб узаемаразуменні з ЗША, заключанага ў канцы чэрвеня.
Пасля ўзаемных удараў і абвастрэння сітуацыі вакол Армузскага праліва ЗША і Іран заключылі рамкавае пагадненне, якое прадугледжвала падаўжэнне рэжыму спынення агню і пачатак перамоў аб канчатковым урэгуляванні канфлікту.
Аднак пазней баявыя дзеянні аднавіліся. Напярэдадні амерыканскі бок заявіў пра ўдары па 90 ваенных цэлях на тэрыторыі Ірана.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
