У Крамлі заклікалі расіян не чакаць адмены санкцый і вяртання да даваеннага жыцця

Грамадзянаў РФ «парадаваў» намеснік кіраўніка адміністрацыі Пуціна.

Расіянам не варта чакаць адмены заходніх санкцый і вяртання да даваеннага ўкладу жыцця, заявіў намеснік кіраўніка адміністрацыі Пуціна Максім Арэшкін. «Не трэба чакаць, што вернецца нешта старое, што будуць адменены санкцыі заходніх краін ці яшчэ нешта. Тыя змены, якія адбываюцца, маюць фундаментальны глабальны характар. Свет, які быў 20 гадоў таму, яго ўжо не існуе і ніколі не будзе», — сказаў Арэшкін на Пецярбургскім міжнародным эканамічным форуме (ПМЭФ).

Пры гэтым ён падкрэсліў, што санкцыі Захаду «не звязаныя з нейкімі канкрэтнымі падзеямі» і заклікаў не рэагаваць на ўвядзенне новых абмежаванняў, а апярэджваць іх. «Трэба ўжо адыходзіць ад гэтай выключна абароннай мадэлі. Насамрэч, па вялікім рахунку, мы ўжо ў многім ад яе адышлі», — сказаў Арэшкін. Для гэтага, паводле яго слоў, расійскаму бізнесу «неабходна актыўна развівацца на ўнутранай пляцоўцы» і выходзіць на рынкі іншых краін. Прадстаўнік Крамля таксама папярэдзіў, што баланс паміж «абаронай» і «атакай» у адказе на санкцыі будзе ўсё больш зрушвацца ў наступальны бок. На гэтым фоне Арэшкін параіў «глядзець наперад больш аптымістычна і больш гаварыць пра магчымасці», паколькі «ў эканоміцы Расіі правалаў няма».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]