Пуціна ўгаворваюць перанесці выбары ў Дзярждуму

З-за ўдараў дронаў.

Расійскія сілавікі пераконваюць дыктатара Уладзіміра Пуціна перанесці выбары ў Дзярждуму. Такое рашэнне прасоўваюць кіраўнікі ФСБ і кіраўнік Расгвардыі, сябар і былы ахоўнік Пуціна Віктар Золатаў.

Пра гэта паведамляе «Медуза» са спасылкай на двух суразмоўцаў, блізкіх да адміністрацыі расійскага дыктатара.

Паводле слоў аднаго з суразмоўцаў выдання, «размовы пра перанос, а насамрэч — пра адмену выбараў у найбліжэйшай перспектыве» з’явіліся яшчэ вясной 2026 года. Сярод прычын называюць праблемы з бюджэтам, рост цэн, скарачэнне выдаткаў і скарачэнні на прадпрыемствах. Абмеркаванне адмены або пераносу выбараў «значна актывізавалася» пасля атак украінскіх беспілотнікаў на Маскву, паведамляюць крыніцы.

«Зразумела, што [сітуацыя] толькі пагаршаецца, і гэта заўсёды адбіваецца на рэйтынгах улады. Улічваючы ўсе меры кантролю, праводзіць выбары ў такіх умовах — справа смелая. А ў іх [філасофіі] няма чалавека — няма праблемы», — паведаміла крыніца выдання.

Суразмоўца таксама дадаў, што гэтай «філасофіяй» сілавікі кіраваліся і тады, калі блакавалі інтэрнэт, каб абмежаваць доступ расіян да незалежных СМІ, і тады, калі ўзмацнялі жорсткасць міграцыйнага заканадаўства пасля тэракту ў «Крокус Сіці Хол». Крыніца ўдакладніла, што абмеркаванне пераносу выбараў у Дзярждуму адбываецца толькі «на ўзроўні размоваў».

«На стале ў прэзідэнта няма ніякіх дакументаў, і, магчыма, іх там і не будзе», — цытуе СМІ сваю крыніцу.

На пачатку поўнамаштабнага ўварвання сілавікі ўжо прапаноўвалі Пуціну адмяніць губернатарскія выбары, аднак тады дыктатара ўгаварылі гэтага не рабіць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]