«Знайшоў у інтэрнэце вонкава падобнага да сябе чалавека»

Мінчук «спісваў» свае парушэнні на іншага, карыстаючыся чужым пашпартам.

Мінчук «спісваў» свае парушэнні па пашпарце чалавека, вонкава падобнага да яго. Падрабязнасці паведамляе агенцтва «Мінск-Навіны».

Жыхар Мінска знайшоў у інтэрнэце вонкава падобнага да сябе чалавека, запомніў прозвішча, імя, імя па бацьку і дату нараджэння і сфатаграфаваў на мабільны тэлефон старонкі яго пашпарта, якія былі апублікаваныя ў сетцы.

У снежні 50-гадовы фігурант учыніў адміністрацыйнае правапарушэнне, перайшоўшы праезную частку ў неўстаноўленым месцы. Гэта заўважылі супрацоўнікі ДАІ і вынеслі мінчуку афіцыйнае папярэджанне. Каб мужчыну не прыцягнулі да адказнасці, ён назваў чужыя даныя і дату нараджэння.

Праз некалькі дзён абвінавачаны ехаў у грамадскім транспарце і не аплаціў праезд. Кантралёры, якія зайшлі ў салон, папрасілі мужчыну выйсці на прыпынку для складання адміністрацыйнага пратаколу. Фігурант і ім назваў чужыя даныя, паказаў фота старонак пашпарта. Гэтыя даныя супрацоўнікі «Мінсктранса» ўнеслі ў дакумент.

Пацярпелы, даведаўшыся пра незаконнае прыцягненне да адказнасці, звярнуўся ў міліцыю і пракуратуру. Падазраванага аператыўна ўстанавілі, узбудзілі крымінальную справу.

Паводле слоў намесніка пракурора Ленінскага раёна Аляксандра Мазаніка, фігурант дзевяць разоў прыцягваўся да крымінальнай адказнасці, у яго ёсць не знятая і не пагашаная ў вызначаным законам парадку судзімасць. Мінчуку было прад'яўлена абвінавачанне па частцы 1 артыкула 203-1 Крымінальнага кодэкса — наўмысныя незаконныя збор і прадастаўленне інфармацыі аб персанальных даных іншай асобы без яе згоды, што пацягнула прычыненне істотнай шкоды правам, свабодам і законным інтарэсам грамадзяніна. Па гэтай артыкуле прадугледжана пакаранне да двух гадоў пазбаўлення волі. Мужчына цалкам прызнаў віну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]