Z-прапаганда пачала рыхтаваць расіян да правалу вайны супраць Украіны

Крэмль рыхтуе апраўданні.

Расійскія Z-прапагандысты пачалі публічна абмяркоўваць варыянты завяршэння вайны ва Украіне, прычым без выканання мэт, якія раней абвяшчала крэмлёўскае кіраўніцтва РФ. Пра гэта расказаў у сваім новым відэа журналіст Дзяніс Казанскі, прааналізаваўшы апошнія эфіры расійскіх СМІ і блогераў, піша «Дыялог».

Па яго словах, папулярныя прапагандысты РФ паступова пераходзяць ад рыторыкі «перамогі любой цаной» да падрыхтоўкі расійскага грамадства да кампрамісу з Кіевам і замарожвання баявых дзеянняў па лініі фронту.

У прыватнасці, вядучы «Першага канала» Анатоль Кузічэў заявіў, што без новай вялікай мабілізацыі Расія не зможа захапіць нават тыя ўкраінскія рэгіёны, якія Масква раней незаконна абвясціла сваімі і ўпісала ў Канстытуцыю. Па яго словах, для далейшага прасоўвання Узброеных Сіл РФ спатрэбяцца такія ахвяры, да якіх расійскае грамадства можа быць не гатовае.

Яшчэ адзін расійскі прапагандыст Іван Панькін дапусціў варыянт спынення баявых дзеянняў па цяперашняй лініі судакранання – варыянт, пра які не раз казаў афіцыйны Кіеў. Пры гэтым раней падобныя сцэнары ў расійскіх эфірах называлі непрымальнымі, а Крэмль на чале з дыктатарам Уладзімірам Пуціным адкідвае іх без абмеркавання.

Казанскі адзначыў, што такія заявы сведчаць пра падрыхтоўку расійскай аўдыторыі да правалу так званай «СВА» і адмовы ад першапачатковых мэт вайны. Паводле яго слоў, прапагандысты ўжо фармуюць тлумачэнні, згодна з якімі любое рашэнне Крэмля будзе прадстаўлена як «найлепшае для краіны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]