«Беларусь часта называюць чацвёртай балтыйскай краінай»

Мы вярнемся ў Еўропу.

Новую кнігу вядомага гісторыка і публіцыста Юрыя Фельштынскага «Беларусь Наталлі Радзінай: журналістка супраць дыктатара» прадставілі на Берлінскім кніжным кірмашы Berlin Bebelplatz.

У сустрэчы, якая адбылася 2 мая ў Галерэі Kunstschule Berlin, узялі ўдзел аўтар кнігі Юрый Фельштынскі і галоўны рэдактар сайта Charter97.org Наталля Радзіна. Мадэратарам выступіў вядомы палітолаг Аляксандр Марозаў.

Падчас сустрэчы Наталля Радзіна адказала на пытанне пра будучыню Беларусі. Нашу краіну яна бачыць часткай аб’яднанай Еўропы:

— Еўрапейскі саюз нікуды не дзенецца, больш за тое, у ходзе цяперашняй барацьбы за гегемонію нечаканым пераможцам можа стаць не Кітай, а Еўрапейскі саюз. Пэўныя рэгіянальныя саюзы могуць існаваць, але асноўныя працэсы будуць адбывацца ўнутры ЕС.

Часткай Расіі Беларусь не стане. Ментальна мы сапраўды абсалютна розныя людзі. Беларуская нацыя ўзнікла ў выніку змешвання балцкіх і славянскіх плямёнаў, таму нас называюць чацвёртай балтыйскай краінай. Мы хочам вярнуцца ў Еўропу, дзе мы заўсёды былі. У гэтай кнізе вельмі каротка распавядаецца, адкуль узнікла Беларусь, у якіх утварэннях была беларуская тэрыторыя. Наша гісторыя ідзе ад Полацкага княства, потым тэрыторыя Беларусі была часткай Вялікага Княства Літоўскага, і на гэтым мы грунтуем сёння сваю ідэнтычнасць.

Потым мы былі часткай Рэчы Паспалітай, пры падзеле РП напрыканцы XVIII стагоддзя Беларусь увайшла ў склад Расійскай імперыі. Сотні гадоў мы ваявалі з Расіяй — і ВКЛ, і Рэч Паспалітая. Беларусь палітая крывёю, вельмі шмат зла ішло ад Рускага царства. Не думаю, што Расія захаваецца ў будучыні, бо турмой народаў у XXI стагоддзі быць не атрымаецца. Упэўнена, што Беларусь урэшце пазбудзецца ўплыву Масквы.

Юрый Фельштынскі распавёў, што для яго як амерыканскага гісторыка таксама вялікім адкрыццём стала заходнецэнтрычнасць беларусаў:

— Беларусь заўсёды арыентавалася на Захад, а не на Усход. Чамусьці пра краіны Балтыі такое разуменне заўсёды было, а пра Беларусь — не. Думаю, што ў выніку гэтай вайны Расія застанецца на мапе, але распадзецца, і ў найлепшым для нас сцэнарыі перастане нарэшце быць імперыяй і зможа тады, нарэшце, стаць нармальнай краінай, калі яна пазбавіцца ад імперскага мыслення.

Я не лічу, што гэта просты і хуткі працэс, і я на гэта не разлічваю. Лічу, што калі Беларусь стане часткай Еўропы і, адпаведна, часткай Еўрапейскага саюза, то можна будзе нарэшце стварыць буферную зону ад Фінляндыі да Украіны з апорай на ўкраінскія ЗСУ. І вось гэты буфер, які ўключае Беларусь, створыць магчымасць для Еўропы мірна суіснаваць з Расійскай Федэрацыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]