Еўракамісія ўхваліла крэдытнае пагадненне з Польшчай па праграме SAFE

Падпісанне дакумента чакаецца ў пятніцу ў Варшаве.

Еўрапейская камісія ўхваліла пагадненне з Польшчай аб выкарыстанні сродкаў з крэдытнага фонду на ўмацаванне абароннага патэнцыялу ў межах SAFE. Брусельскі карэспандэнт «Польскага радыё» Бэата Пломецка даведалася з крыніц, што еўракамісары ўхвалілі пагадненне ў пісьмовым парадку. Цяпер застаецца толькі падпісанне пагаднення ў пятніцу, 8 мая, у Варшаве, і Брусель зможа пералічыць аванс у памеры 6,5 мільярда еўра.

Польшча з’яўляецца першай краінай, якая атрымала канчатковую згоду Камісіі на крэдытнае пагадненне. Яна таксама стане найбуйнейшым бенефіцыярам. Польшча павінна атрымаць 43,7 млрд еўра з агульнага фонду ў памеры 150 мільярдаў еўра.

Час тут меў ключавое значэнне. Польшча дамаглася, што да канца гэтага месяца зможа самастойна рэалізоўваць абаронныя праекты, фінансаваць з SAFE ужо распачатыя інвестыцыі, хоць патрабаванне выкарыстання фонду прадугледжвае праекты, якія рэалізуюцца як мінімум дзвюма краінамі. Цяпер ёй трэба аператыўна справіцца з бюракратычнымі патрабаваннямі, каб атрымаць з SAFE кампенсацыю выдаткаў, панесеных на гэтыя інвестыцыі.

У спісе праектаў, якія Польшча мае намер прафінансаваць, у прыватнасці, «Шчыт Усходу», беспілотнікі, сістэмы супрацьдзеяння дронам, вытворчасць баяпрыпасаў розных калібраў, зенітна-ракетныя комплексы і самахідныя гаўбіцы.

SAFE прапануе льготныя крэдыты на выгадных умовах. Іх пагашэнне пачнецца праз 10 гадоў і будзе расцягнута да 2070 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]