Раман Світан: Пуціну давядзецца надзяваць процігаз на Чырвонай плошчы

Ваенны эксперт распавёў, як 9 мая можа стаць правалам Крэмля.

У ноч на 6 мая Украіна абвясціла рэжым спынення агню, але ўжо ў першыя гадзіны Расія нанесла ўдары па ўкраінскіх гарадах. Атакі былі зафіксаваныя ў Харкаве, Запарожжы, Дняпры, Херсоне і Крывым Рогу.

Што вядома пра «рэжым цішыні» на дадзены момант? Ці можна ўжо казаць, што Расія свядома парушыла перамір'е ў першыя ж гадзіны?

Пра гэта сайт Charter97.org пагаварыў з палкоўнікам ЗСУ ў запасе, ваенным экспертам і лётчыкам-інструктарам Раманам Світанам.

— Перамір'е — гэта танга, танец удваіх. Калі адзін бок абвяшчае перамір'е, а другі — не, то гэта гульня ў адны вароты. Расія сапраўды парушыла перамір'е. Удары былі, але не такой інтэнсіўнасці, як звычайна. Інтэнсіўнасць удараў была ў разы меншай, але яны працягваюцца, асабліва ўздоўж прыфрантавой зоны.

У прынцыпе, Украіна цяпер мае права выйсці з гэтага перамір'я. Будзе яна гэта рабіць ці не — пытанне. Усё залежыць ад таго, як дамовіліся пра 9 мая. Калі дамовіліся, што 9 мая ніхто «па парадзе працаваць» не будзе, то перамір'е ў такім выглядзе можа ўтрымлівацца да 9 мая. Калі не дамовіліся, то ўдары па расійскім парадзе магчымыя. Цяпер гэта стане зразумела, засталося літаральна тры дні.

На дадзены момант Украіна мае права не звяртаць увагі на перамір'е як такое. Але ўсё будзе залежаць ад дамоўленасцей, звязаных не толькі з Украінай. Хутчэй за ўсё, будуць падключаныя ЗША, Кітай і іншыя ўдзельнікі працэсу. Пэўнасць будзе толькі да 10-й раніцы 9 мая.

— Перад 9 мая ў Маскве абмяжоўваюць мабільны інтэрнэт, парад праходзіць у скарочаным фармаце, а Крэмль ўзмацняе меры бяспекі праз пагрозу ўкраінскіх дронаў. Чаго насамрэч баіцца Пуцін?

— На працягу года ёсць толькі адзін дзень, калі Пуцін абавязаны выйсці да людзей. Гэта 9 мая.

Расійскае «перамогабесіцтва» трымаецца менавіта на свяце 9 мая. Калі Пуціна на ім не будзе — ці яго двайніка, трайніка, не важна, — альбо самога параду не будзе, гэта пакажа, што кароль голы.

Раз на год кароль выходзіць да людзей. І яго, дакладней, найманых ім махляроў, якія нібыта пашылі яму гэтае адзенне, можна будзе выкрыць. Калі памятаеце Андэрсэна, «Новае адзенне караля», менавіта ў такі момант можна паказаць, што кароль голы.

Гэта ў рэшце рэшт можа прывесці да таго, што гэта так званая імперыя пачне сыпацца. Калі кароль голы, калі метраполія падвяргаецца ўдарам у самыя асноўныя для яе дні (а 9 мая — адзін з такіх дзён), гэта паказвае яе слабасць. А слабая метраполія імперыю не ўтрымае — яна развальваецца.

Не абавязкова мусіць быць удар па парадзе. Увогуле няма сэнсу біць па парадзе. Аптымальны варыянт, дапусцім, ударыць па Капотнінскім нафтаперапрацоўчым заводзе і «затуапсіць» усю Маскву. То бок такім чынам паказаць, што кароль голы.

Расіяне задзейнічаюць усе сілы і сродкі, здольныя перамяшчацца, разгортвацца і перахопліваць паветраныя цэлі. Ці ўдасца ім утрымаць неба — залежыць ад таго, якія сродкі паражэння прымяніць Украіна. У цэлым можна прабіць любую сістэму СПА. Аптымальны варыянт для гэтага — балістыка.

Іран гэта ўжо паказаў: якой бы ні была сістэма «Жалезны купал», частка балістычных ракет усё адно праходзіць. Іншы варыянт — масіраваны ўдар беспілотнікамі. Для гэтага патрэбна больш як паўтысячы дронаў, запушчаных з аднаго напрамку. Пры такой шчыльнасці любая сістэма СПА не зможа перахапіць усе цэлі, і частка беспілотнікаў можа дайсці да Масквы. Як ужо было з дроном, якому да Крамля не хапіла ўсяго пяці кіламетраў.

— Што рыхтуюць ЗСУ для расійскіх акупантаў, калі Расія канчаткова сарве перамір'е?

— Наперадзе магчыма ўсё. На дадзены момант не выключаецца абсалютна нічога. Усе рыхтуюцца да нанясення ўдару па Маскве менавіта 9 мая або напярэдадні.

Аптымальны варыянт — Капотнінскі НПЗ. Калі яго распаліць, як Туапсэ, то давядзецца не толькі Пуціну надзяваць процігаз на Чырвонай плошчы, але яшчэ і Леніну надзець процігаз.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]